Plantun de Prouvènço

Pèr coumpara dos planto d'encò nostre

Euphorbia spinosa & Lilium martagon

Euphorbia spinosa

Euphorbiaceae

Nom en français : Euphorbe épineuse.

Descripcioun :
Lou relachié (J.-L. Domenge, op.cit. p. 59) es uno planto lignouso que fai de mato en boulo, d'ounte parton de pichòtis espino, sus li pendis roucaious di colo. Li fueio an pas ges de péu e soun longo de 1 cm. Se recounèis peréu à si boursoun berrugous, alor que li grano soun lisco.

Usanço :
Li fedo l'esbrouton d'aise.

Port : Pichoto planto lignouso
Taio : 10 à 25 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Jauno
Petalo : ges
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Roucaio - Tepiero seco - Paret
Estànci : Termoumediterran à Mountagnard
Couroulougi : Eurimediterranenco-Nord
Ref. sc. : Euphorbia spinosa L., 1753

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.